Ao longo da mañá do día de hoxe, 9 de xullo, tivo lugar na sede de UGT emprazada no municipio lucense de Viveiro o acto de entrega do galardón ao “Premio 8 de Marzo” de UGT a Rogelia Mariña. Lembrar que o acto de entrega deste premio celebrouse na sede de UGT en Madrid o pasado 4 de marzo na XXIV edición destes premios, pero que neste momento Rogelia Mariña non puido acudir a recollelo pola negativa da dirección de Sargadelos a darlle permiso.
A Comisión Executiva de UGT-Galicia manifesta a súa máis enérxica repulsa pola grave agresión machista recibida por unha das traballadoras de UUAA na mañá de hoxe no Concello de Vimianzo.
UGT agarda das forzas e corpos de seguridade do Estado unha actuación eficaz e rápida para a detención do presunto autor destes gravísimos e preocupantes feitos, que novamente nos sitúan ante o insoportable escenario da violencia contra as mulleres.
UGT-Galicia vén de reanudar o servizo do Centro de informacióne asesoramento sociolaboral para inmigrantes (CIASI) en Ourense cuxasaccións teñen como principal destinatario o colectivo deinmigrantes regulares de orixe non comunitario e que presenten unalto grado de vulnerabilidade, así como, inmigrantes que esteannunha situación de desemprego ou que desempeñen tarefas laborais encondicións precarias. Ademais, os traballos de información easesoramento tamén van dirixidos a inmigrantes que desexen melloraro seu nivel de empregabilidade.
UGT-Galicia presenta hoxe o Estudo sobre a situación sociolaboral da muller en Galicia, co galo do Día internacional da muller que se celebrará o venres, e un ano máis hai que lamentar as desigualdades que sofren as mulleres galegas no eido laboral e que o contexto de recuperación económica non se está traducindo nunha mellora da situación das mulleres no mercado de traballo. De feito, lonxe de reducirse, as brechas de xénero no emprego aumentan.
A Comisión Executiva de UGT-Galicia chama á cidadanía galega a parar mañá, 8 de Marzo, Día internacional da Muller, nos seus centros de traballo e participar masivamente nas mobilizacións convocadas, tanto pola mañá como pola tarde, para rexeitar a desigualdade e discriminación que sofren as mulleres. Mañá, a cidadanía ten que esixir que as políticas de igualdade sexan prioritarias, o recoñecemento pleno e efectivo do dereito á igualdade de todas as mulleres e denunciar calquera vulneración dos seus dereitos.
Máis de 200 delegados e delegadas procedentes de toda Galicia participaron hoxe na asemblea convocada por UGT en Santiago, enmarcada o conxunto de actos e asembleas que o Sindicato está a facer en todo o Estado dentro da campaña “Máis feitos e menos palabras” na senda da recuperación de dereitos para a cidadanía.
UGT e CCOO convocamos ante un novo 8 de Marzo, unha folga xeral, porque ante a situación que estamos a vivir, é fundamental seguir visibilizando, reivindicando e loitando contra as fendas e discriminacións que, por razón de xénero, seguen a existir en todos os eidos da vida, e particularmente no mercado laboral en Galicia, así como pola urxencia de dar resposta ás demandas e as necesidades das traballadoras.
Un ano máis, este 25 de novembro conmemórase o Día internacional para a eliminación da violencia contra as mulleres. Nesta data UGT-Galicia ten que denunciar, tamén un ano máis, que os asasinatos, a forma de violencia máis extrema, de mulleres a mans das súas parellas ou exparellas continúan sen parar. Dende o 1 de xaneiro de 2003 ao 19 de novembro de 2018 un total de 972 mulleres foron asasinadas en España, 58 delas galegas.
Descripción
UGT-Galicia
