A recuperación non pode basearse en precarizar aínda máis a contratación

Mozos e mulleres son os colectivos máis perxiducados pola falta de traballo e por contratos cada vez máis precarios

Os datos publicados hoxe polo Ministerio de Traballo mostran, outro mes máis, a magnitude dos efectos da crise sanitaria provocada pola COVID-19 no emprego e na economía, en xeral. UGT-Galicia insiste en que para que se poida crear emprego é preciso frear a pandemia e asegurar a reincorporación dos traballadores e traballadoras con seguridade, evitando así un novo desplome da actividade. O recente acordo para prolongar os ERTEs é unha ferramenta fundamental para o mantemento do tecido produtivo.

 En Galicia sitúase a cifra de desemprego no mes de setembro en 176.574 persoas desempregadas, unha cifra que contraese con respecto ao mes de agosto en 377 desempregados menos, pero que sube nada menos que o 12,5% (19.590 persoas máis) con respecto ao mesmo mes do ano anterior

A evolución é semellante á do Estado, pero é de xeito máis acusada a contracción no mes, un 0,69%, e maior o incremento en termos interanuais, o 22,62%

O aumento interanual en Galicia, como se comproba no cadro de evolución seguinte, sitúase nos volumes de crecemento da crise do 2008.

Novamente mulleres e mozos seguen sendo os colectivos máis perxudicados

Son 9.308 os mozos e mozas menores de 25 anos desempregados, aumentando no mes o paro, evolución contraria á do conxunto de idades, o 6,2% e medrando nada menos que o 28,99% no ano, duplicando así o crecemento do conxunto de idades.

No caso da evolución do desemprego por sexos, hai unha contracción do desemprego no mes nos homes, o 1,02% desempregados menos, fronte ao incremento do desemprego nas mulleres, 0,38% máis. Se miramos os datos anuais, os aumentos son realmente preocupantes, afectando neste caso máis aos homes, 15.11% de aumento de desemprego masculino, e 10.64% do feminino.

En termos estruturais as mulleres seguen a representar nada menos que o 57,9% do total de desemprego en Galicia, afecta a un total de 102.217 mulleres en Galicia fronte a 74.357 homes.

Datos por sectores de actividade

No mes, ao analizar por sector de actividade hai un aumento, con contundencia, no Primario cun 3,81%; no colectivo Sen Emprego Anterior medra o 3,06% e nos Servizos moi levemente, o 0,15%. Cae nun 4,46% na Industria e 2,79% na Construción.

No ano todos os sectores aparecen prexudicados, destacando o sector primario cun 26% de incremento. O resto móvense entre un incremento do 16,72% no colectivo Sen Emprego Anterior e o 12,64% dos Servizos. Con menores porcentaxes de incremento, 7,91% na Construción e 7,58% no Industrial.

Por provincias

En termos provinciais, mantense no mes a provincia de Ourense e medra un 0,8% en Lugo. Contraese levemente na de Pontevedra, un 0,1% menos e cae un 0,6% na de Coruña. En termos interanuais, hai fortes aumentos en todas elas, dende un 15% na de Coruña ao 9,9% na de Pontevedra

A recuperación non pode basearse en precarizar aínda máis a contratación

Cos datos de setembro compróbase que tan só se realizaron 83.162 contratos, iso si, medra con contundencia con respecto ao mesmo mes anterior, pero lonxe dos niveis de contratación do mes de setembro de 2019.

De todos modos, destes contratos tan só, dos realizados no mes, un 8,25% do total son indefinidos baseándose a contratación na da modalidade temporal.

O paraugas dos ERTEs demostra ser unha ferramenta fundamental

A taxa de cobertura en agosto (último dato dispoñible) situase nun 78,9% debido a que en o numerador da fórmula se contabiliza a persoas que están percibindo prestación contributiva por ERTEs, pero que non están incluídas no denominador, ao non ser parados rexistrados por continuar a súa relación laboral coa súa empresa e permanecer en alta laboral. En Galicia houbo 24.201 traballadores en ERTE de media en setembro, dos que 19.828 están por forza maior

As persoas beneficiarias de prestacións de desemprego sitúanse en 127.390

Afiliación e cotización á SS

A afiliación á Seguridade Social (media mensual) sitúase en Galicia no mes de setembro en 1.011.799 cotizantes. Contráese nun 0.1% no mes e con respecto a datos anuais cae nun 1,72%. Mala evolución nas cifras da Seguridade Social.

No Estado, a afiliación (media mensual) en setembro é de 18.876.389 cotizantes, aumenta un 0,44% en termos mensuais, polo contrario hai unha forte contracción, do 2,3%, nada menos, nun ano, o que representa 447.063 afiliados menos.