Urxe derrogar a reforma laboral, incrementar o SMI e dotar de contido ás políticas activas de emprego

Os datos do desemprego feitos públicos hoxe, aínda que reflicten unha baixada do paro tanto a nivel estatal como en Galicia, evidencian que as melloras do emprego baseadas na estacionalidade e na precariedade non son melloras porque persiste a rotación na contratación, a temporalidade e o paro de longa duración. Neste sentido, UGT-Galicia insiste na urxencia en derrogar a reforma laboral de 2012 para acabar coa temporalidade e a precariedade, traballar en políticas de emprego axeitadas e aumentar o SMI e unha reforma fiscal integral para que a recuperación cheque a todas as persoas.

Cos datos publicados hoxe polo Ministerio de Trabajo y Economía Social e polo Ministerio de Inclusión, Seguridad Social y Migracións compróbase un boa evolución nos datos de desemprego. É lóxica, por un lado debida á habitual estacionalidade do mercado laboral e reapertura de actividades na temporada de verán e, por outra, a mellora da actividade económica polo avance de vacinación e mellora da situación sanitaria.

Para avaliar correctamente conta as variacións interanuais, hai que ter en que o contexto base era unha situación con Estado de alarma, polo que extraer conclusións tanto intermensuais, con variación de restricións, e interanuais, comparando cun contexto de confinamento e restriccións, é arriscado.

A evolución das cifras de desemprego con respecto ao mes anterior están influenciadas polo avance da saída da pandemia. En Galicia no mes dáse unha caída do 4,59 por cento, dato semellante ao do Estado que foi do 4,41%. No ano, a caída do desemprego rexistrado en Galicia é do 14,59 por cento, a terceira CCAA cunha caída máis acusada do Estado (en segundo lugar está Euskadi cun 15,29 por cento menos e en primeiro Baleares cunha caída do 15,5 por cento. No Estado a evolución é moito menor, o 6.43 por cento de persoas desempregadas menos.

	Galicia	Estado
2021 / Xuño	157.718	3.614.339
Variación absoluta mes anterior	-7.588	-166.911
Variación relativa	-4,59	-4,41
Variación absoluta mismo mes del año anterior	-26.936	-248.544
Variación relativa	-14,59	-6,43

En cifras absolutas, a cifra de desemprego en Galicia sitúase no mes xuño de 2021 en 157.718 persoas, polo que cae en 7.588 persoas e no ano cae en 26.936 persoas desempregadas (hai que ter en conta que hai contextos distintos co mes de xuño de 2020). Voltamos a variacións interanuais de contracción, trala inflexión pola crise sanitaria no ano 2020.

Ano	Xuño	Var. Mensual	Var. Interanual
2007	143.156	-3,4	-6,9
2008	152.708	-2,6	6,7
2009	200.240	-3,5	31,1
2010	219.825	-3,8	9,8
2011	233.557	-2,7	6,2
2012	269.203	-2,7	15,3
2013	273.434	-3,7	1,6
2014	252.310	-4,2	-7,7
2015	229.062	-3,3	-9,2
2016	207.320	-6,0	-9,5
2017	189.665	-5,0	-8,5
2018	170.065	-3,8	-10,3
2019	155.249	-3,5	-8,7
2020	184.654	-3,4	18,9
2021	157.718	-4,6	-14,6

POR IDADES E SEXOS

O desemprego das persoas mozas rexistra un certo alivio neste mes de xuño. Son 5.970 os mozos e mozas menores de 25 anos desempregados, caendo no mes o paro un 4 por cento e tamén no ano cun 36,3 por cento menos. Unha evolución moito máis acusada que no total de idades en termos interanuais.

En canto a sexos, a evolución da caída do desemprego no mes é máis acusada nos homes, cun 4,7 por cento fronte a menor caída no caso das mulleres, o 4,51 por cento menos. No ano, a evolución beneficia máis aos homes, cun 17,6 por cento de caída de desemprego masculino, e moito menos ás mulleres, que só cae un 12,3 por cento.

En termos estruturais as mulleres seguen a representar nada menos que o 58,2 por cento do total de desemprego en Galicia, polo que afecta a un total de 91.828 mulleres fronte a 65.890 homes. Isto supón que hai 25.938 mulleres desempregadas máis que homes.

 

 

Xuño 2021	Menores 25 anos	Homes	Mulleres
	5.970	65.890	91.828
Variación absoluta mes anterior	-247	-3.249	-4.339
Variación relativa	-3,97	-4,70	-4,51
Variación absoluta mismo mes del año anterior	-3.401	-14.065	-12.871
Variación relativa	-36,29	-17,59	-12,29

EVOLUCIÓN POR SECTORES

No mes, ao analizar por sector de actividade, constátase que se produce unha contracción en todos eles. Incluso, pódese dicir que hai unha contracción considerable, lóxica no mes de xuño pola tempada estival e a reapertura da actividade nos servizos, o  5,4 por cento (6.249 persoas desempregadas menos no sector); tamén prodúcese unha caída no  sector primario,  co 4,5 por cento, caída na industria, 3.8 por cento, e na construción co 3.7 por cento. Pola contra, co aumento das expectativas trala crueza da crise e a mocidade que busca emprego no verán, hai  un aumento no colectivo Sen Emprego Anterior, que medra no 0,7 por cento

No ano, todos os sectores aparecen beneficiados, loxicamente o contexto base foi de máximos, polo que se constata unha caída nas persoas desempregadas do 21,3 por cento no sector da construción, do 16,3 por cento no colectivo SEA, do 14,52 por cento no sector servizos, nun 10,84 por cento no  sector primario e  nun 10,14 por cento na industria.

	Paro total	Agricultura / Gandería	Industria	Construción	Servizos	Sen emprego anterior
2021/Xuño	157.718	5.591	18.276	11.547	110.251	12.053
Variación absoluta mes anterior	-7.588	-264	-717	-439	-6.249	81
Variación relativa	-4,59	-4,51	-3,78	-3,66	-5,36	0,68
Variación absoluta mismo mes del año anterior	-26.936	-680	-2.062	-3.121	-18.735	-2.338
Variación relativa	-14,59	-10,84	-10,14	-21,28	-14,52	-16,25

EVOLUCIÓN POR PROVINCIAS

En termos provinciais todas teñen o mesma evolución: Unha caída no mes e forte contracción no ano. En todas as provincias galegas cae; un 5,3 por cento en Pontevedra, un 5 por cento menos en Lugo,  o 4,4 por cento en A Coruña e un 2,6 por cento  de diminución en Ourense. No ano, caída máis contundente corresponde á provincia de Lugo,  co 15,4 por cento menos, na Coruña foi do 15,3 por cento de caída, en Pontevedra o 15 por cento e unha caída do 9,7 por cento en Ourense.

 

	Xuño/2021	Var. Absoluta mes	Var. % mes	Var. Absoluta ano	Var. % ano
A Coruña	63.432	- 2.931	-4,4	- 11.463	-15,3
Lugo	15.382	- 803	-5,0	- 2.798	-15,4
Ourense	18.200	- 490	-2,6	- 1.962	-9,7
Pontevedra	60.704	- 3.364	-5,3	- 10.713	-15,0

CONTRATACIÓN

Cos datos de xuño compróbase que se realizaron 85.964 contratos, unha cifra de repunte importante. Produciuse un espectacular aumento do 178.44 por cento con respecto ao ano anterior. O aumento é, ademais, moito maior no caso dos contratos temporais, nade menos que o  184.62 por cento, mentres que no caso dos contratos indefinidos foi do 54.61 por cento.

De todos os xeitos, a escasa contratación indefinida é a constante, tan só 8,6 de cada cen contratos son indefinidos.

Tampouco podemos esquecer que en 2019, un contexto sen pandemia, no mesmo mes realizaranse 98.785 contratos.

Como se comproba a contratación temporal é a norma, así vese que o groso dos movementos en contratación danse na contratación temporal.

O Sindicato advirte que, ademais de pola creación de emprego, hai que traballar pola mellora da súa calidade porque unha parte moi significativa do que se crea e do existente se caracteriza pola súa baixa calidade e precariedade. E gran parte da situación actual está asociada á reforma laboral que aprobou o Goberno do PP no ano 2012 e que desequilibrou o sistema de relacións laborais a favor das empresas, facendo fácil o camiño do emprego inestable.

	Total contratos	Total Temporais	Total indefinidos
Xuño/ 2021	85.964	78.558	7.406
Variación absoluta mes anterior	19.431	18.410	1.021
Variación relativa	29,21	30,61	15,99
Variación absoluta mismo mes del año anterior	55.091	50.957	2.616
Variación relativa	178,44	184,62	54,61

COBERTURA DE DESEMPREGO

A taxa de cobertura en maio de 2021 (último dato dispoñible) sitúase en 63.8 por cento (58.8 por cento no Estado)

As persoas beneficiarias de prestacións de desemprego sitúanse en Galicia en 97.903. Destas hai unha contracción no número de persoas beneficiarias de prestación contributiva, que son 44.212 que representan o 45.2 por cento (no mes anterior era maior o peso das prestacións contributivas xa que foi o 46.6 por cento). Isto indica que medra o peso dos desempregados e desempregadas sen prestacións contributivas, as persoas en desemprego están con menores rendas.

 

Maio 2021	Prestación contributiva	Subsidio	Renda Activa de Inserción	Totais
GALICIA	44.212	46.065	7.626	97.903

AFILIACIÓN/COTIZACIÓN Á SEGURIDADE SOCIAL

En canto a evolución nas cifras de afiliación á S.S. (media mensual), sitúase en Galicia no mes en 1.021.721 persoas afiliadas. Medra no mes, nun 1.11 por cento, dato semellante ao crecemento do Estado que medrou un 1.21 por cento. No Estado, a cifra de afiliacións/cotizacións é de 19.500.277 persoas. No ano hai boas porcentaxes de aumento da afiliación, en Galicia medra nun 3.6 por cento e no Estado a mellora é do 4.7 por cento

2021/Xuño	Galicia	Estado
	1.021.721	19.500.277
Variación absoluta mes anterior	11.193	233.056
Variación relativa	1,11	1,21
Variación absoluta mismo mes del año anterior	35.079	875.940
Variación relativa	3,56	4,70

SITUACIÓN DOS ERTE

En Galicia hai en xuño de 2021 19.365 traballadores de media en ERTE e o dato a final de mes é de 18.779 persoas en situación de ERTE, dos que 7.946 son homes e 10.833 son mulleres.

No Estado remata o mes de xuño con 447.820 personas en ERTE (459.544 de media no mes), mentras que en Galicia remata o mes con 18.779 (19.365 de media no mes)

Por sexos, utilizando os datos do último día do mes, xa que non se ofrecen datos de media mensual por sexos, hai en ERTE 7.946 homes e 10.833 mulleres, polo que o 57,7 por cento son mulleres e que reafirma a fonda fenda de xéneros nas persoas beneficiarias de ERTEs. A pandemia non afecta por igual a homes e mulleres.

Estamos a falar en total de 447.820 persoas en ERTE a final de mes, e 3.614.339 persoas desempregadas no Estado. En total 4 millones de persoas afectadas. As cifras seguen a ser moi elevadas.