Toca derrogar as reformas laborais, apostar por políticas que incentiven a calidade do emprego, mellorar as rendas, subir o SMI e mellorar o escudo social

UGT-Galicia insiste na necesidade de apuntalar unha recuperación con emprego de calidade, de cada cen contratos, os fixos non chegan nin a 7

Sobre a igualdade e a xustiza social debe pivotar a recuperación. Hai que lembrar que nesta crise son as mulleres as máis prexudicadas, acaparan case o 60% do desemprego e o 56% dos ERTE

Santiago, 3 de agosto de 2021.- As cifras de desemprego feitas públicas hoxe reflicten unha mellora deste, polo menos en termos de cantidade, non tanto de calidade do mesmo, motivada esta situación, de seguro, por un claro compoñente estacional, a raíz das contratacións propias da época estival, e polos avances en termos de desescalada e vacinación. Non obstante, UGT-Galicia insiste en advertir que non se pode pretender apuntalar a recuperación con emprego precario, sen dereitos e de baixa calidade. Como así o demostran as cifras. Do total da contratación rexistrada non chega nin ó 7% a de carácter indefinido. Outra das bases sobre a que debe avanzar a “desescalada” do mercado laboral é que esta debe facerse en termos de igualdade e xustiza social. Algo que as cifras tamén rebaten. Son as mulleres as que concentran case o 60% do total do desemprego e as grandes prexudicadas desta crise, acaparando o 56% dos ERTE.

Neste contexto, urxe a derrogación xa das reformas laborais; apostar por políticas que incentiven a calidade do emprego, porque non se pode asentar unha recuperación cunhas bases sólidas nun mercado de traballo volátil, precario e parcial.

Ademais, hai que apostar por mellorar as rendas dos traballadores e traballadoras, especialmente os que menos gañan. Neste senso, UGT-Galicia considera que a suba do SMI este ano resulta imprescindible para relanzar o emprego, mellorar a súa calidade e impulsar o crecemento económico.

Tamén é preciso mellorar o escudo social, empezando pola protección por desemprego, e continuando polo mantemento dos ERTE mentres sexan necesarios. É necesaria unha reforma en profundidade das políticas activas para reducir, dunha vez por todas, a elevada porcentaxe de persoas paradas de longa e moi longa duración.

Os fondos europeos do Plan de Recuperación, Transformación e Resiliencia deben servir para reforzar este proceso, corrixindo os desequilibrios estruturais que padece a economía española e asegurando que a transición ecolóxica e dixital guíese por parámetros de xustiza social. Desde UGT estaremos vixiantes para asegurar un bo uso dos mesmos e dar paso a un modelo económico e laboral máis xusto.

Por último, todos estes cambios deben vir acompañados dunha reforma fiscal ambiciosa, guiada por criterios de progresividade e equidade. Este elemento é esencial para asegurar a suficiencia do sistema e afrontar con garantías os grandes retos que temos por diante.

Baixando ó terreo das estatísticas, estas reflicten que a evolución das cifras de desemprego, con respecto ó mes anterior, están influenciadas polo avance da saída da pandemia e pola época estival. En Galicia no mes dáse unha caída do 3,7%, menos acusada que no resto do Estado, onde esta foi do 5,5%. No ano, a baixada foi do 13,33% nesta Comunidade, fronte ó 9,5% do Estado.

 

	Galicia	Estado
2021 / Xullo	151.934	3.416.498
Variación absoluta mes anterior	-5.784	-197.841
Variación relativa	-3,67	-5,47
Variación absoluta mismo mes del año anterior	-23.377	-356.536
Variación relativa	-13,33	-9,45

 

Así, sitúase o número total de desempregados en Galicia no mes de xullo de 2021 en 151.934, caendo en 5.784. E no ano a caída foi de 23.377, aínda que hai que ter en conta que os contextos pandémicos en relación a hai un ano son ben diferentes. Se ben é certo que se volta a variacións interanuais de contracción, trala inflexión inicial pola crise sanitaria no 2020.

Ano	Xullo	Var. Mensual	Var. Interanual
2007	139.998	-2,2	-5,5
2008	149.318	-2,2	6,7
2009	192.859	-3,7	29,2
2010	209.789	-4,6	8,8
2011	223.000	-4,5	6,3
2012	260.198	-3,3	16,7
2013	261.102	-4,5	0,3
2014	240.279	-4,8	-8,0
2015	216.371	-5,5	-10,0
2016	195.457	-5,7	-9,7
2017	181.871	-4,1	-7,0
2018	163.412	-3,9	-10,1
2019	150.921	-2,8	-7,6
2020	175.311	-5,1	16,2
2021	151.934	-3,7	-13,3

 

En canto ós máis mozos, os menores de 25 anos, o paro baixa nun 10,1%, por enriba do resto de idades, e no ano nun 37,5%. Unha evolución tamén moito máis acusada pero lóxica na temporada estival marcada pola contratación de mozos e mozas para cubrir empregos eventuais propios do verán.

Por sexos, o desemprego cae no mes nun 4,83% no caso dos homes, fronte a unha menor baixada das mulleres, dun 2,83%. No ano a tendencia é a mesma, baixa nun 16,14% entre os homes e un 11,25% entre as mulleres. As mulleres seguen a representar nada menos que o 58,7% do total do desemprego en Galicia, hai 89.226 mulleres en paro, fronte a 62.708 homes.

Xullo 2021	Menores 25 anos	Homes	Mulleres
	5.367	62.708	89.226
Variación absoluta mes anterior	-603	-3.182	-2.602
Variación relativa	-10,10	-4,83	-2,83
Variación absoluta mismo mes del año anterior	-3.215	-12.069	-11.308
Variación relativa	-37,46	-16,14	-11,25

No mes a contracción dáse en todos os sectores de actividade. Destacada en termos absolutos o sector servizos cunha baixada de 3.847, pola temporada estival, que en termos relativos tradúcese nun -3.5%.

No ano, todos os sectores aparecen beneficiados, loxicamente, o contexto base foi de mínimos, -19,89% na construción, -20,1% no colectivo de sen emprego anterior, -12,33% nos servizos, -14,8% no primario e no que menos na industria, -9,4%.

 

	Paro total	Agricultura / Gandería	Industria	Construción	Servizos	Sen emprego anterior
2021/Xullo	151.934	5.153	17.543	11.105	106.404	11.729
Variación absoluta mes anterior	-5.784	-438	-733	-442	-3.847	-324
Variación relativa	-3,67	-7,83	-4,01	-3,83	-3,49	-2,69
Variación absoluta mismo mes del año anterior	-23.377	-892	-1.814	-2.757	-14.968	-2.946
Variación relativa	-13,33	-14,76	-9,37	-19,89	-12,33	-20,07

 

En termos provinciais, todos os territorios teñen a mesma evolución, caída no mes e forte contracción no ano. En todas as provincias cae. Un 5,5% en Lugo, un 4,8% en Ourense, 4.1 en A Coruña e 2.4% na de Pontevedra. No ano, a caída máis contundente é en Lugo, 15,6%, na Coruña 15% de caída, en Pontevedra o 11,6% e o 11,5% en Ourense.

 

	Xullo/2021	Var. Absoluta mes	Var. % mes	Var. Absoluta ano	Var. % ano
A Coruña	60.830	-2.602	-4,1	-10.704	-15,0
Lugo	14.537	-845	-5,5	-2.681	-15,6
Ourense	17.325	-875	-4,8	-2.241	-11,5
Pontevedra	59.242	-1.462	-2,4	-7.751	-11,6

En termos de contratación, en xullo realizáronse 101.172 contratos. O que significa un aumento do 17,1% con respecto ao ano anterior. Aínda que o maior aumento dáse nos temporais, do 17,8%, fronte ó 8,1% nos indefinidos.

Unha recuperación da contratación con días contados, moi inestable

A escasa contratación indefinida é a constante, tan só o 6,92 de cada cen contratos son indefinidos. Unha recuperación da contratación con días contados, moi inestable. Como se comproba, a contratación temporal é á carta, así vese que o groso dos movementos en contratación danse na contratación temporal.

	Total contratos	Total Temporais	Total indefinidos
Xullo/ 2021	101.172	94.168	7.004
Variación absoluta mes anterior	15.208	15.610	-402
Variación relativa	17,69	19,87	-5,43
Variación absoluta mismo mes del año anterior	14.765	14.242	523
Variación relativa	17,09	17,82	8,07

 

Medra o peso das prestacións non contributivas, o que supón menores rendas

A taxa de cobertura en xuño 2021 por desemprego (último dato dispoñible) sitúase no 62.1% (58.1% no Estado). As persoas beneficiarias de prestacións de desemprego son 90.476. Destas, hai unha contracción no número de persoas beneficiarias de prestación contributiva. Son 40.073, o 44.3% (no mes anterior era maior o peso das contributiva, o 45.2%). Isto indica que medra o peso dos desempregados e desempregadas sen prestacións contributivas, as persoas en desemprego están con menores rendas.

En canto á evolución nas cifras de afiliación á Seguridade Social (media mensual), sitúase en Galicia no mes en 1.036.273. Medra no mes, no 1.42%, crecemento máis acusado que no Estado, 0.47%. No Estado a cifra de afiliacións/cotizacións é de 19.591.728. No ano hai boas porcentaxes de aumento da afiliación, en Galicia do 3,04% e no Estado de 4,3%.

2021/Xullo	Galicia	Estado
	1.036.273	19.591.728
Variación absoluta mes anterior	14.552	91.451
Variación relativa	1,42	0,47
Variación absoluta mismo mes del año anterior	30.605	806.174
Variación relativa	3,04	4,29

 

13.011 persoas en ERTE en Galicia, o 56,1% mulleres. A pandemia no eido laboral afecta máis ás mulleres

No relativo ós ERTE, no Estado remata xullo con 331.486 persoas en ERTE (339.034 de media no mes), en Galicia remata o mes en 13.011 (de media no mes 13.488).

Por sexos, utilizando os datos do último día do mes, xa que non se ofrecen datos de media mensual por sexos: homes 5.714 e mulleres 7.297, o 56.1% son mulleres. Isto evidencia que a pandemia, polo menos no eido laboral, afecta máis negativamente ás mulleres que ós homes.

 

GALICIA	Xullo 2021	VARIACIÓN SOBRE
		Mes anterior		Mesmo mes ano anterior
		nº	%	nº	%
DESEMPREGO
Nº persoas paradas	151.934	-5.784	-3,67	-23.377	-13,3
* homes	62.708	-3.182	-4,83	-12.069	-16,1
* mulleres	89.226	-2.602	-2,83	-11.308	-11,2
* mozos e mozas < 25 anos	5.367	-603	-10,1	-3.215	-37,5
Por sectores*
* agricultura	5.153	-438	-7,8	-892	-14,8
* industria	17.543	-733	-4,0	-1.814	-9,4
* construción	11.105	-442	-3,8	-2.757	-19,9
* servizos	106.404	-3.847	-3,5	-14.968	-12,3
* sen emprego anterior	11.729	-324	-2,7	-2.946	-20,1
Persoas beneficiarias prestación por desemprego (xuño)	90.476
Taxa de cobertura prestación por desemprego (xuño)	62,11
Por provincias
A Coruña	60.830	-2.602,0	-4,1	-10.704,0	-15,0
Lugo	14.537	-845,0	-5,5	-2.681,0	-15,6
Ourense	17.325	-875,0	-4,8	-2.241,0	-11,5
Pontevedra	59.242	-1.462,0	-2,4	-7.751,0	-11,6
CONTRATACIÓN
Nº contratos	101.172	15.208	17,7	14.765	17,1
* indefinidos (inclúe transformación de contratos en indefinidos)	7.004	-402	-5,4	523	8,1
* temporais	94.168	15.610	19,9	14.242	17,8
AFILIACÍON Á SEGURIDADE SOCIAL
Nº persoas afiliadas/cotizantes (datos provisionais)	1.036.273	14.552	1,4	30.605	3,0
Fonte: Gabinete Económico Comisión Executiva UGT Galicia, a partir dos datos do Ministerio de Trabajo y Economía Social e do Ministerio de Inclusión, Seguridad Social y Migraciones