Se non se controla a pandemia non haberá recuperación

UGT-Galicia alerta que unha campaña de Nadal baseada na precariedade non contribuirá á recuperación

Resulta imprescindible manter os ERTE o tempo necesario para soster a demanda interna

 

Santiago, 2 de decembro de 2020.- Á vista dos datos de desemprego feitos públicos hoxe resulta evidente que o binomio sanidade e economía, agora máis que nunca, van da man, e como se ten comprobado con cada unha das ondas de contaxio, o bo funcionamento da economía só se da cando hai seguridade e garantías de saúde.

Cos ollos postos no Nadal, un período importantísimo social e economicamente, é necesario preservar a saúde co máximo posible de medidas dispoñibles, para evitar un deterioro maior da economía e do emprego.

Ademais, cuns Orzamentos tanto en Galicia como no Estado ás portas, e aínda moita incerteza sobre a marcha da economía, é urxente que as políticas que predominen no ano 2021 sexan expansivas, manteñan e aumenten o necesario escudo social iniciado no confinamento e que as boas condicións laborais se convertan nunha característica propia do mercado laboral galego.

As políticas activas de emprego e os servizos públicos de emprego xogarán un papel protagonista neste senso, polo que hai que impulsar a súa maior dotación de recursos tanto a nivel estatal como de Galicia.

Baixando á análise concreta dos datos, a magnitude dos efectos da crise sanitaria provocada pola COVID-19 no emprego e na economía son evidentes. En Galicia, no mes de novembro, o número de persoas desempregadas, segundo os datos publicados hoxe polo Ministerio de Traballo e Economía Social, ascende a 187.472, subindo en 6.165, o 3,4%, en relación ao mes anterior. Un incremento moito máis acusado que no resto do Estado onde a suba limítase ao 0,66%. Polo tanto, Galicia rexistra un comportamento aínda peor e unha afectación maior sobre o emprego da crise sanitaria que se está a vivir.

En termos interanuais o paro aumenta en Galicia en 21.813 persoas, o 13,17%, mentres que no resto o Estado este incremento é do 20,42%.

Así, as cifras falan por si mesmas da crise que está a envolver tanto a Galicia como ó resto do Estado, 187.472 persoas desempregadas nesta Comunidade e un total de 3.851.312 no Estado.

De feito, para observar cifras semellantes de incremento do desemprego en termos interanuais nesta Comunidade hai que remontarse ós anos da última crise económica.

 

Ano	Novembro	VAR. Mensual	Var. Interanual
2007	152.728	4,3	-3,8
2008	180.820	7,4	18,4
2009	216.828	3,8	19,9
2010	231.721	3,5	6,9
2011	253.416	4,7	9,4
2012	276.536	3,3	9,1
2013	270.854	1,0	-2,1
2014	248.632	1,9	-8,2
2015	225.158	1,4	-9,4
2016	203.554	2,3	-9,6
2017	187.175	0,7	-8,0
2018	170.369	0,4	-9,0
2019	165.659	0,8	-2,8
2020	187.472	3,4	13,2

 

 

	Galicia	Estado
2020/Novembro	187.472	3.851.312
Variación absoluta mes anterior	6.165	25.269
Variación relativa	3,40	0,66
Variación absoluta mismo mes del año anterior	21.813	653.128
Variación relativa	13,17	20,42

 

Por idades, de novo, son os mozos e mozas galegos os máis prexudicados. Son 10.548 os menores de 25 anos que están en Galicia en situación de desemprego, incrementando o paro no mes nun 6,5%, dun xeito máis acusado que no resto de idades. E no ano esta cifra sube ata un 25,63%, duplicando o crecemento do conxunto de idades.

Por sexos, segundo os últimos datos publicados, o incremento do paro entre os homes foi no mes dun 4,31% e dun 2,73% no caso das mulleres. En relación ás cifras de hai un ano, o desemprego aumenta nun 14,75% entre os homes e nun 12% no caso das mulleres. Non obstante, en termos estruturais, as mulleres seguen a representar o 57,1% do total do desemprego en Galicia, 107.108 mulleres nesta situación, fronte a 80.364 homes.

 

	Menores 25 anos	Homes	Mulleres
2020/Novembro	10.548	80.364	107.108
Variación absoluta mes anterior	640	3.323	2.842
Variación relativa	6,46	4,31	2,73
Variación absoluta mismo mes del año anterior	2.152	10.333	11.480
Variación relativa	25,63	14,75	12,00

 

O incremento do paro dáse en todos os sectores. En termos relativos, dun xeito máis acusado, no primario, con 382 desempregados máis. Pero, pola súa maior dimensión en termos de emprego, destaca o que acontece no sector servizos, onde o aumento do desemprego afecta a 4.609 persoas, un 3,66% máis.

No ano, todos os sectores aparecen prexudicados, destacando o colectivo de sen emprego anterior, onde aumenta nun 17,71%, e no primario, un 16,38%. En termos absolutos, a maior incidencia de aumento dáse no sector servizos, con 15.974 persoas desempregadas máis, 13,95% no ano.

	Paro total	Agricultura / Gandería	Industria	Construción	Servizos	Sen emprego anterior
2020/Novembro	187.472	7.054	19.687	13.733	130.498	16.500
Variación absoluta mes anterior	6.165	382	639	276	4.609	259
Variación relativa	3,40	5,73	3,35	2,05	3,66	1,59
Variación absoluta mismo mes del año anterior	21.813	993	1.702	662	15.974	2.482
Variación relativa	13,17	16,38	9,46	5,06	13,95	17,71

 

No mes o paro medra en todas as provincias. Nas que máis, en termos relativos, en Lugo e Pontevedra. No ano, tamén aumenta en todas, nas que máis nun 16,3% na Coruña e un 14,4% en Lugo. Considerablemente tamén en Ourense, un 13,6%, e un 9,6% en Pontevedra.

	Novembro /2020	Var. Absoluta mes	Var. % mes	Var. Absoluta ano	Var. % ano
A Coruña	76.063	2.348	3,2	10.637	16,3
Lugo	18.786	727	4,0	2.364	14,4
Ourense	21.064	596	2,9	2.527	13,6
Pontevedra	71.559	2.494	3,6	6.285	9,6

 

Unha quinta parte menos de contratación que hai un ano

Cos datos de novembro compróbase que tan só se realizaron 61.311 contratos, contraéndose con contundencia con respecto ao mesmo mes anterior, 16.13% menos, e lonxe dos niveis de contratación do mes de novembro de 2019, unha quinta parte menos de contratación.

Forte caída tanto na contratación indefinida como da temporal, pero esta última ao ser estruturalmente a máis rexistrada, inflúe determinantemente na caída da contratación.

Aínda así, as porcentaxes de contratación indefinida son mínimas, o 8,44% (similar á porcentaxe de novembro de 2019, o 8.65%).

 

	Total contratos
2020/Novembro	61.311
Variación absoluta mes anterior	-11.789
Variación relativa	-16,13
Variación absoluta mismo mes del año anterior	-14.911
Variación relativa	-19,56

 

A taxa de cobertura en outubro (último dato dispoñible) sitúase no 69,1% (71,4% no Estado). As persoas beneficiarias de prestacións de desemprego son 114.138. Destas, hai un considerable número de persoas beneficiarias de prestación contributiva. Isto indica que hai unha considerable perda de empregos que estaban cotizando, e cotizando por desemprego, non constan aqueles que non tiveran cotización por desemprego.

 

Outubro 2020	Prestación contributiva	subsidio	renda activa de inserción	Totais
GALICIA	63.348	44.348	6.442	114.138

 

A afiliación á Seguridade Social (media mensual) sitúase en Galicia no mes en 1.009.884. Perda no mes e no ano, do -0,21% e -1,34%, respectivamente.

No Estado a afiliación (media mensual) é de 19.022.001,57 pero medra no mes, o 0,17%, polo contrario tamén no ano amósase a forte caída das afiliacións/cotizacións, o 1,83% menos (355.000 menos).

	Galicia	Estado
2020/Novembro	1.009.883,90	19.022.002
Variación absoluta mes anterior	-2.134	31.638
Variación relativa	-0,21	0,17
Variación absoluta mismo mes del año anterior	-13.706	-354.877
Variación relativa	-1,34	-1,83

 

En canto ós ERTE, en Galicia hai no mes de novembro de 2020 (media mensual) 52.737 traballadores e traballadoras en ERTE, deles, 25.831, corresponden á modalidade do RDL30/2020.

Neste senso, UGT-Galicia insiste en que os ERTE deben manterse todo o tempo necesario para que as persoas non perdan a súa capacidade adquisitiva, sostendo a demanda interna, e para que o tecido empresarial teña tempo de recuperarse, evitando así un crecemento da desigualdade que sería devastador.

 

GALICIA	Novembro 2020	VARIACIÓN SOBRE
		Mes anterior		Mesmo mes ano anterior
		nº	%	nº	%
DESEMPREGO
Nº persoas paradas	187.472	6.165	3,40	21.813	13,2
* homes	80.364	3.323	4,31	10.333	14,8
* mulleres	107.108	2.842	2,73	11.480	12,0
* mozos e mozas < 25 anos	10.548	640	6,5	2.152	25,6
Por sectores*
* agricultura	7.054	382	5,7	993	16,4
* industria	19.687	639	3,4	1.702	9,5
* construción	13.733	276	2,1	662	5,1
* servizos	130.498	4.609	3,7	15.974	13,9
* sen emprego anterior	16.500	259	1,6	2.482	17,7
Persoas beneficiarias prestación por desemprego (outubro)	114.138
Taxa de cobertura prestación por desemprego (outubro)	69,15
Por provincias
A Coruña	76.063	2.348,0	3,2	10.637,0	16,3
Lugo	18.786	727,0	4,0	2.364,0	14,4
Ourense	21.064	596,0	2,9	2.527,0	13,6
Pontevedra	71.559	2.494,0	3,6	6.285,0	9,6
CONTRATACIÓN
Nº contratos	61.311	-11.789	-16,1	-14.911	-19,6
* indefinidos (inclúe transformación de contratos en indefinidos)	5.172	-1.535	-22,9	-1.425	-21,6
* temporais	56.139	-10.254	-15,4	-13.486	-19,4
AFILIACÍON Á SEGURIDADE SOCIAL
Nº persoas afiliadas/cotizantes (datos provisionais)	1.009.883,90	-2.134	-0,2	-13.706	-1,3
Fonte: Gabinete Económico Comisión Executiva UGT Galicia, a partir dos datos do Ministerio de Trabajo y Economía Social e do Ministerio de Inclusión, Seguridad Social y Migraciones