Urxe reverter a reforma laboral, unha política económica expansiva e reformar as políticas activas de emprego

Os datos de desemprego rexistrado publicados hoxe polo Ministerio de Traballo mostran a magnitude dos efectos da crise sanitaria provocada pola COVID-19 no emprego e na economía, en xeral, truncando a tímida recuperación, nun mes que é, tradicionalmente, bó para o emprego.

Para que se poida crear emprego é preciso frear a pandemia e asegurar a reincorporación dos traballadores e traballadoras con seguridade, evitando así un novo desplome da actividade ademáis de prolongar os ERTEs e estender a protección aos parados sen ingresos e pagar xa as prestacións do IMV e das empregadas do fogar.

UGT-Galicia insiste en reivindicar o inicio do Diálogo Social para establecer un plan de choque polo emprego de calidade para unha reconstrución social xusta e cambiar a lexislación laboral para primar o emprego indefinido e con dereitos, derrogando as reformas laborais.

En Galicia sitúase a cifra de desemprego no mes de agosto en 176.951 persoa desempregadas, aumentando con respecto ao mes anterior en 1.640 desempregados, o que representa un 0,94 por cento en termos relativos. Preocupantes datos se temos en conta que estamos en plena campaña de verán. Unha situación que non sofríamos desde a anterior crise.

Pero a comparación é aínda peor se a facemos co mesmo mes do ano anterior, xa que sube o incremento do desemprego en 23.131 persoas e, en termos relativos, sube o 15,04 por cento.

As cifras non difieren moito do que ocorre no conxunto do estado. Así, con respecto ao mes anterior, sube o desemprego neste escenario un 0,79 por cento e, con respecto ao mesmo mes do ano anterior, o 24,04 por cento

O aumento en Galicia interanual como se comproba no cadro de evolución seguinte incluso supera a de 2012.

Mulleres e mozos seguen sendo os colectivos máis perxudicados

Son 8.768 os mozos e mozas menores de 25 anos desempregados, aumentando no mes o paro con máis incidencia que no conxunto de idades, o 2,17 por cento fronte ao 0,94 por cento e medrando nada menos que o 30,63 por cento no ano, duplicando así o crecemento do conxunto das idades.

Mellor evolución do desemprego no mes no colectivo masculino, o 0,47 por cento fronte o 1,29 por cento das mulleres. No ano os aumentos son realmente preocupantes, afectando neste caso máis aos homes 18,61 por cento de aumento de desemprego masculino e 12,54 por cento do feminino.

En termos estruturais as mulleres seguen a representar nada menos que o 57.5 por cento do total. O desemprego en Galicia afecta a un total de 101.826 mulleres fronte a 75.125 homes.

Datos por sectores de actividade

No mes, ao analizar por sector de actividade, hai aumento en todos os sectores, salvo en agricultura e construción. Destaca en termos absolutos o aumento do desemprego na Industria con 417 novos desempregados, Servizos con 633 e o epígrafe de Sen Emprego Anterior con 732 persoas desempregadas máis.

No ano, todos os sectores aparecen prexudicados, destacando o sector primario cun 20,29 por cento de incremento. O resto se moven entre un incremento de entre o 11 e o 15 por cento.

Baixada na contratación

Cos datos de agosto compróbase que tan só se realizaron 64.399 contratos, caendo con respecto ao mesmo mes do ano anterior en -29.230 contratos. Con estes datos é clara a afectación no mercado laboral.

Cobertura de desemprego

A taxa de cobertura por desemprego sitúase nun 93,5 por cento, debido a que en o numerador da fórmula se contabiliza ás persoas que están percibindo prestación contributiva por ERTEs, pero que no están incluídas no denominador, ao non ser parados rexistrados por continuar a súa relación laboral coa empresa e permanecer en alta laboral.

Os beneficiarios de prestacións de desemprego se sitúan en 150.178

UGT insiste na ineludible necesidade de prolongar os ERTEs, ampliar a protección por desemprego e pagar xa as prestacións do IMV e das empregadas do fogar.

Afiliación e cotización á SS

A afiliación á Seguridade Social sitúase en Galicia no mes de agosto en 1.012.794 persoas, polo que medra nun 0,71 por cento no mes pero cae, con respecto a hai un ano, nun 2,32 por cento.

Galicia
2020/agosto	1.012.794
Variación absoluta mes anterior	7.126
Variación relativa	0,71
Variación absoluta mismo mes del año anterior	-24.106
Variación relativa	-2,32

Tanto nos casos de Galicia, do Estado e das provincias hai unha forte caída da afiliación, en termos interanuais, dun 2,32 por cento en Galicia e do 2,73 por cento no Estado.