UGT-Galicia alerta que a contratación xa cae en máis de 20.000 nun ano e que o desemprego medra interanualmente xa ó ritmo da crise de 2008

2021, o obxectivo debe ser manter os ERTE e derrogar as reformas laborais

Non haberá recuperación sen o control da pandemia

 

Santiago, 5 de xaneiro de 2021.- Os datos de paro e afiliación confirman, unha vez máis, a absoluta dependencia da actividade e o emprego da evolución da pandemia, por tanto, falar de emprego supón garantir en primeiro lugar a saúde da poboación e acelerar o proceso de vacinación que acaba de iniciarse.

Mentres tanto, é vital seguir protexendo as rendas e os empregos en empresas e fogares. Non é o momento de escatimar recursos, senón de investir. Un primeiro paso para iso foi a aprobación dos Orzamentos Xerais do Estado para 2021, pero tamén é imprescindible prorrogar o actual acordo dos ERTE, que termina o 31 de xaneiro. Este acordo debe servir para axudar ás empresas, pero ao mesmo tempo debe garantir a permanencia do emprego unha vez superada a crise, é dicir, evitar despedimentos.

Doutra banda, é preciso que aumente o Salario Mínimo Interprofesional, porque a súa conxelación é inxusta, para os traballadores e traballadoras que menos gañan, e contraproducente para a economía e o emprego e acordar, canto antes, un novo Acordo para o Emprego e a Negociación Colectiva que substitúa ao que finalizou o 31 de decembro.

O Sindicato considera que as organizacións empresariais deberían abandonar a actitude de bloqueo e apoiar estas dúas actuacións, tal e como fixeron ata o de agora cos acordos sobre ERTE.

UGT-Galicia lembra que o impacto da pandemia non pode ocultar os desequilibrios esenciais do noso mercado laboral, sobre todo, a elevada precariedade, que fai que moitos empregos sexan fráxiles, volátiles e pouco produtivos. Neste sentido, é urxente acometer a derrogación da reforma laboral de 2012, como paso previo para construír un novo marco laboral máis equilibrado e eficiente, que permita que a próxima reactivación realícese sobre a base da creación de emprego de calidade, estable, seguro, máis produtivo e mellor retribuído.

Baixando á realidade estatística, a cifra de desemprego sitúase en Galicia no mes de decembro en 189.587, medra con respecto a novembro en 2.115, 1,13% (menos acusada é no conxunto do Estado, que medra o 0,96%).

En termos interanuais, o desemprego increméntase en 24.279 persoas, o 14.69% máis en Galicia, e 724.532 parados máis no Estado, máis acusado na media estatal, o 22.9%. As cifras falan por si mesmas, 189.587 desempregados en Galicia e 3.888.137 no Estado.

O incremento do desemprego en Galicia en termos interanuais sitúase ó ritmo da crise de 2008

O aumento en Galicia do desemprego en termos interanuais, como se comproba no cadro de evolución, sitúase nos volumes de crecemento da crise do 2008.

 

Ano	Decembro	VAR. Mensual	Var. Interanual
2007	154.982	1,5	-3,5
2008	189.903	5,0	22,5
2009	222.839	2,8	17,3
2010	237.313	2,4	6,5
2011	258.234	1,9	8,8
2012	278.787	0,8	8,0
2013	271.063	0,1	-2,8
2014	251.918	1,3	-7,1
2015	228.808	1,6	-9,2
2016	205.914	1,2	-10,0
2017	185.013	-1,2	-10,2
2018	169.295	-0,6	-8,5
2019	165.308	-0,2	-2,4
2020	189.587	1,1	14,7

 

 

	Galicia	Estado
2020/Decembro	189.587	3.888.137
Variación absoluta mes anterior	2.115	36.825
Variación relativa	1,13	0,96
Variación absoluta mismo mes del año anterior	24.279	724.532
Variación relativa	14,69	22,90

 

Entre os máis mozos, hai 9.237 menores de 25 anos desempregados, caendo considerablemente o paro, o 12.43% (a temporada de Nadal) pero medrando nada menos que o 20.71% no ano, seis puntos máis que no conxunto de idades.

Por sexos, o incremento do desemprego no mes nos homes foi do 2.47%, fronte ao menor incremento nas mulleres, 0.12%. No ano, os aumentos son realmente preocupantes, afectando neste caso tamén máis aos homes, 14.91% de aumento de desemprego masculino, e 14.52% do feminino.

Non obstante, non se pode esquecer que en termos estruturais as mulleres seguen a representar nada menos que o 56.6% do total de desemprego en Galicia, afecta a un total de 107.238 mulleres en Galicia, fronte a 82.349 homes.

	Menores 25 anos	Homes	Mulleres
2020/ Decembro	9.237	82.349	107.238
Variación absoluta mes anterior	-1.311	1.985	130
Variación relativa	-12,43	2,47	0,12
Variación absoluta mismo mes del año anterior	1.585	10.683	13.596
Variación relativa	20,71	14,91	14,52

 

No mes, ao analizar por sector de actividade, hai aumento en todos, salvo no colectivo de sen emprego anterior. Dáse un incremento acusado na construción, 6,44% máis no mes (é habitual a finalización de contratos neste sector neste mes), 3,92% máis na industria, aumento do 4,69% no primario e do 0,6% nos servizos, Polo contrario, cae o 3.98% no colectivo de sen emprego anterior.

No ano, todos os sectores aparecen prexudicados, destacando o colectivo de sen emprego anterior, co 18.48%, 2.471 desempregados máis, e o sector primario, con 17.37% máis. En termos absolutos, o desemprego ten maior incidencia nos servizos, 18.302 desempregados máis, 16.2% máis nun ano. Xa só as cifras de desemprego nos servizos son preocupantes, 131.281. Na industria nada menos que 20.459, na construción 14.618, no colectivo de sen emprego anterior 15.844 e no primario 7.385.

 

 

	Paro total	Agricultura / Gandería	Industria	Construción	Servizos	Sen emprego anterior
2020/Decembro	189.587	7.385	20.459	14.618	131.281	15.844
Variación absoluta mes anterior	2.115	331	772	885	783	-656
Variación relativa	1,13	4,69	3,92	6,44	0,60	-3,98
Variación absoluta mismo mes del año anterior	24.279	1.093	1.880	533	18.302	2.471
Variación relativa	14,69	17,37	10,12	3,78	16,20	18,48

 

En termos provinciais o paro medra no mes e no ano en todas as provincias. Na que máis no mes, en termos absolutos e relativos, en Pontevedra. No ano, danse fortes crecementos en todas, nas que máis: 16,9% en Lugo, 16.1% en A Coruña, 15.6% en Ourense e 12.5% en Pontevedra.

Por provincias

	DEcembro /2020	Var. Absoluta mes	Var. % mes	Var. Absoluta ano	Var. % ano
A Coruña	76.311	248	0,3	10.564	16,1
Lugo	18.928	142	0,8	2.730	16,9
Ourense	21.218	154	0,7	2.859	15,6
Pontevedra	73.130	1.571	2,2	8.126	12,5

 

A contratación cae con contundencia, en máis de 20.000 nun ano

Cos datos de decembro compróbase que tan só se realizaron 57.472 contratos, contraéndose con contundencia, caen en 20.326 nun ano.

	Total contratos
2020/Decembro	57.472
Variación absoluta mes anterior	-3.839
Variación relativa	-6,26
Variación absoluta mismo mes del año anterior	-20.326
Variación relativa	-26,13

 

Se nun ano cae a contratación temporal en 19.813 contratos, danos unha idea de que nin a contratación temporal estase utilizando, máis nunha temporada como o Nadal.

En canto á taxa de cobertura por desemprego, esta é do 69,7% (dato de novembro, o último dispoñible). As persoas beneficiarias de prestacións de desemprego sitúanse en 119.104. Destas, hai un considerable número de persoas beneficiarias de prestación contributiva, 65.943, o 55.4%.. Isto indica que hai unha considerable perda de empregos que estaban cotizando, e cotizando por desemprego, non constan aqueles que non tiveran cotización por desemprego.

 

Novembro	Prestación contributiva	subsidio	renda activa de inserción	Totais
GALICIA	65.943	46.307	6.854	119.104

 

Por outra banda, a afiliación á Seguridade Social (media mensual) sitúase en Galicia no mes en 1.002.161. Así, rexístrase unha perda no mes e no ano, do -0,76% e -1,77%, respectivamente. No Estado a afiliación (media mensual) é de 19.048.433 pero medra no mes, o 0,14%, polo contrario tamén no ano amósase a forte caída das afiliacións/cotizacións, o 1,86% menos (360.105 menos).

 

	Galicia	Estado
2020/Decembro	1.002.161	19.048.433
Variación absoluta mes anterior	-7.723	26.432
Variación relativa	-0,76	0,14%
Variación absoluta mismo mes del año anterior	-18.098	-360.105
Variación relativa	-1,77	-1,86%

 

 

Finalmente, en relación ós ERTE, en Galicia hai no mes de decembro de 2020 (media mensual) 35.075 traballadores e traballadoras en ERTE, deles, 22.374 acóllense ó RDL30/2020. O resto, 3.428, non son de forza maior e 9.274 si.

 

GALICIA	Decembro 2020	VARIACIÓN SOBRE
		Mes anterior		Mesmo mes ano anterior
		nº	%	nº	%
DESEMPREGO
Nº persoas paradas	189.587	2.115	1,13	24.279	14,7
* homes	82.349	1.985	2,47	10.683	14,9
* mulleres	107.238	130	0,12	13.596	14,5
* mozos e mozas < 25 anos	9.237	-1.311	-12,4	1.585	20,7
Por sectores*
* agricultura	7.385	331	4,7	1.093	17,4
* industria	20.459	772	3,9	1.880	10,1
* construción	14.618	885	6,4	533	3,8
* servizos	131.281	783	0,6	18.302	16,2
* sen emprego anterior	15.844	-656	-4,0	2.471	18,5
Persoas beneficiarias prestación por desemprego (novembro)	119.104
Taxa de cobertura prestación por desemprego (novembro)	69,66
Por provincias
A Coruña	76.311	248,0	0,3	10.564,0	16,1
Lugo	18.928	142,0	0,8	2.730,0	16,9
Ourense	21.218	154,0	0,7	2.859,0	15,6
Pontevedra	73.130	1.571,0	2,2	8.126,0	12,5
CONTRATACIÓN
Nº contratos	57.472	-3.839	-6,3	-20.326	-26,1
* indefinidos (inclúe transformación de contratos en indefinidos)	5.163	-9	-0,2	-513	-9,0
* temporais	52.309	-3.830	-6,8	-19.813	-27,5
AFILIACÍON Á SEGURIDADE SOCIAL
Nº persoas afiliadas/cotizantes (datos provisionais)	1.002.161	-7.723	-0,8	-18.098	-1,8
Fonte: Gabinete Económico Comisión Executiva UGT Galicia, a partir dos datos do Ministerio de Trabajo y Economía Social e do Ministerio de Inclusión, Seguridad Social y Migraciones