Por mor da COVID-19, por segundo ano consecutivo, Galicia rompe a tendencia á diminución interanual do desemprego que se mantiña dende o 2014

Hai que manter os ERTE mentres o emprego o requira e acelerar a vacinación para recuperar plenamente a actividade

34.759 persoas en ERTE en Galicia, das cales, máis de 20.000 son mulleres. A pandemia cébase máis coas mulleres

Santiago, 6 de abril de 2021.-Os datos de paro publicados hoxe polo Servizo Público de Emprego (SEPE), correspondentes ao mes de marzo, mostran un descenso do paro de 4.509 persoas (59.149 en todo o Estado), o que supón unha baixada do 2,43% en Galicia. Isto sitúa a cifra total de persoas desempregadas en 180.719, 3.949.640 en todo o Estado. Este descenso débese ás menores restricións que houbo en marzo respecto a febreiro e ao comezo da Semana Santa, ademais de ser un mes tradicionalmente favorable para o emprego.

Para UGT-Galicia, as medidas restritivas deben continuar ata alcanzar a inmunidade colectiva. Evitar unha cuarta onda de contaxios, que induza a novas paralizacións da actividade e someta a máis tensión á economía, é clave se se pretende que a tempada de verán sexa un éxito, esencial para a economía.

Para iso, o sindicato considera imprescindible acompañar nestas dificultades aos fogares e ás empresas que están en peores situacións, reforzando e ampliando as vías de axuda existentes e non deixando a ninguén atrás. Os ERTE han de seguir mentres sexa necesario, mantendo as rendas das persoas que non puideron volver recuperar a actividade no seu posto de traballo.

Ademais, ante o maior risco de paro de longa duración, sobre todo entre colectivos máis vulnerables (hai que ter en conta que un 57,5% das persoas en desemprego son mulleres e que 55.956 xa están nunha situación de paro de longa duración, dato de febreiro, aínda non se publicou o de marzo), é necesario acelerar a reforma das políticas activas de emprego, reforzando urxentemente os Servizos Públicos de Emprego, á vez que se garante a protección social. E tamén haberá que dotar dos recursos dispostos para axudar ás empresas coa maior prontitude posible para evitar a destrución do noso tecido produtivo, que será esencial para a recuperación.

UGT considera que o Plan de Recuperación, Transformación e Resiliencia debe ser o punto de inicio no que se cimente unha conversión do noso modelo laboral e produtivo a unha contorna co emprego de calidade como protagonista.

Ademais, para alcanzar un modelo económico distinto, o sindicato manifesta a necesidade de acometer cambios profundos, comezando por derrogar a reforma laboral de 2012, polos seus efectos lesivos sobre os traballadores e traballadoras, e negociando un novo marco regulatorio que estableza unhas condicións máis favorables para a persoa empregada.

Datos de interese

Entrando de chego nos datos, sitúase a cifra de desemprego en Galicia no mes de marzo de 2021 en 180.719, cae con respecto ao mes anterior en 4.509, 2,43% (evolución de contracción máis acusada que no Estado no que cae un 1,48%).

En termos interanuais danse aumentos do desemprego en 6.238 persoas, o 3,6% máis, en Galicia e 401.328 parados máis no Estado. Máis acusada a porcentaxe de incremento na media estatal, o 11,31%. As cifras falan por si mesmas, 180.719 persoas desempregadas en Galicia e preto de 4 millóns, 3.949.640 no Estado.

En Galicia o desánimo leva a que o desemprego non reflicta as cifras en toda a súa magnitude, cando se analizou a EPA viuse a forte tendencia á inactividade da poboación en Galicia cando non hai emprego.

Por segundo ano consecutivo, esta crise leva ao aumento en Galicia en termos interanuais do desemprego, como se comproba no cadro de evolución seguinte. Sitúase nos volumes de crecemento da crise anterior, rómpese a tendencia de caída interanual pola recuperación que había dende 2014.

 

Ano	Marzo	Var. Mensual	Var. Interanual
2007	159.886	-0,6	-9,2
2008	160.180	-1,0	0,2
2009	211.484	2,4	32,0
2010	236.449	1,0	11,8
2011	249.246	0,4	5,4
2012	276.795	0,8	11,1
2013	291.187	-0,6	5,2
2014	276.463	-1,3	-5,1
2015	252.137	-2,1	-8,8
2016	231.797	-1,5	-8,1
2017	210.056	-0,9	-9,4
2018	185.103	-1,6	-11,9
2019	170.841	-1,7	-7,7
2020	174.481	5,0	2,1
2021	180.719	-2,4	3,6

 

 

	Galicia	Estado
2020/Marzo	180.719	3.949.640
Variación absoluta mes anterior	-4.509	-59.149
Variación relativa	-2,43	-1,48
Variación absoluta mismo mes del año anterior	6.238	401.328
Variación relativa	3,58	11,31

 

Son 7.998 os mozos e mozas menores de 25 anos desempregados, caendo no mes o paro o 5,23% e tamén no ano un 5,7%, evolución contraria ao total de idades no ano.

As mulleres seguen a ser as máis prexudicadas

Evolución de caída do desemprego no mes nos homes, o 3,2%, fronte á menor caída das mulleres, o 1,9%. No ano, o aumento do desemprego afecta tanto aos homes, 1,8%, como ás mulleres, o 4,93%. Pero como se pode observar moito máis a estas últimas.

En termos estruturais, as mulleres seguen a representar nada menos que o 57,5% do total de desemprego en Galicia, afecta a un total de 103.850 mulleres, fronte a 76.869 homes. 26.981 mulleres desempregadas máis.

2020/Marzo	Menores 25 anos	Homes	Mulleres
	7.998	76.869	103.850
Variación absoluta mes anterior	-441	-2.551	-1.958
Variación relativa	-5,23	-3,21	-1,85
Variación absoluta mismo mes del año anterior	-482	1.362	4.876
Variación relativa	-5,68	1,80	4,93

No mes, ao analizar por sector de actividade, hai unha considerable caída no primario, 4,72%; na construción, 3,37% de contracción; nos servizos, 2,73%; e no colectivo de sen emprego anterior, o 0,62%. Con menor intensidade na industria, o 0,31% (sector menos suxeito á estacionalidade).

No ano, todos os sectores aparecen prexudicados, salvo a construción, no que se contrae o desemprego nun 7,6%. Destaca en termos relativos o aumento no primario, nun 7,3%, e o aumento en termos absolutos no sector servizos, 5.799 persoas desempregadas máis, o 4,8%. Na industria aumenta no ano en case 1.000 persoas.

En Galicia hai máis de 125.000 persoas en situación de desemprego no sector servizos

Xa só as cifras de desemprego nos servizos por si mesmas son preocupantes, 127.405 persoas en situación de desemprego neste sector. Na industria nada menos que 19.975, na construción 13.345, no colectivo de sen emprego anterior 13.610 e no primario 6.384.

	Paro total	Agricultura / Gandería	Industria	Construción	Servizos	Sen emprego anterior
2021/Marzo	180.719	6.384	19.975	13.345	127.405	13.610
Variación absoluta mes anterior	-4.509	-316	-63	-465	-3.580	-85
Variación relativa	-2,43	-4,72	-0,31	-3,37	-2,73	-0,62
Variación absoluta mismo mes del año anterior	6.238	434	930	-1.098	5.799	173
Variación relativa	3,58	7,29	4,88	-7,60	4,77	1,29

 

En termos provinciais todas teñen a mesma evolución, caída no mes e medra no ano en todas as provincias. No ano, fortes crecementos en todas, nas que máis: 6,1% en Lugo, 4,9% en Ourense, 4.0% en Coruña e 2,2% en Pontevedra.

	Marzo/ 2021	Var. Absoluta mes	Var. % mes	Var. Absoluta ano	Var. % ano
A Coruña	72.176	-2.403	-3,2	2.771	4,0
Lugo	18.088	-545	-2,9	1.035	6,1
Ourense	20.265	-231	-1,1	943	4,9
Pontevedra	70.190	-1.330	-1,9	1.489	2,2

 

Datos mínimos de contratación, 62.004 en Galicia

Cos datos de marzo compróbase que tan só se realizaron 62.004 contratos, cifra mínima, xa no ano anterior neste mes as cifras foron mínimas polo comezo da pandemia.

	Total contratos	Total Temporais
marzo / 2021	62.004	52.783
Variación absoluta mes anterior	12.830	9.242
Variación relativa	26,09	21,23
Variación absoluta mismo mes del año anterior	6.087	3.257
Variación relativa	10,89	6,58

 

A taxa de cobertura en febreiro 2021 (último dato dispoñible) sitúase nun 69,5% (62,92% no Estado). As persoas beneficiarias de prestacións de desemprego sitúanse en 119.211. Destas, hai un considerable número de persoas beneficiarias de prestación contributiva 62.962, o 52,8%. Isto indica que hai unha considerable perda de empregos que estaban cotizando, e cotizando por desemprego, non constan aqueles que non tiveran cotización por desemprego.

 

Febreiro 2021	Prestación contributiva	subsidio	renda activa de inserción	Totais
GALICIA	62.962	48.993	7.256	119.211

 

A evolución nas cifras de afiliación resulta pésima. Preto de 4.000 cotizantes menos no ano

Pésima evolución nas cifras de afiliación á Seguridade Social (media mensual). Sitúase en Galicia no mes en 998.734. Medra no mes só no 0,47% e a contracción no ano é do 0,39%, 3.890 afiliados cotizantes menos.

2021/Marzo	Galicia	Estado
	998.734	18.920.902
Variación absoluta mes anterior	4.704	20.632
Variación relativa	0,47	0,11
Variación absoluta mismo mes del año anterior	-3.890	-85.858
Variación relativa	-0,39	-0,45

 

34.759 persoas en ERTE en Galicia, das cales, máis de 20.000 son mulleres. A pandemia cébase máis coas mulleres

En canto ós ERTE, no Estado marzo remata con 743.628 persoas en ERTE, en Galicia remata o mes con 34.759.

Por sexos utilizando os datos do último día do mes, xa que non se ofrecen datos de media mensual por sexos, son 14.394 homes e 20.365 mulleres. A pandemia non afecta por igual a homes e mulleres.

Estamos a falar en total de 743.628 persoas en ERTE e 3.949.640 desempregados no Estado. En total case 4,7 millóns de persoas afectadas. En Galicia 34.759 persoas en ERTE e 180.719 desempregados. Máis de 215.000 afectadas

GALICIA	mar-21	VARIACIÓN SOBRE
		Mes anterior		Mesmo mes ano anterior
		nº	%	nº	%
DESEMPREGO
Nº persoas paradas	180.719	-4.509	-2,43	6.238	3,6
* homes	76.869	-2.551	-3,21	1.362	1,8
* mulleres	103.850	-1.958	-1,85	4.876	4,9
* mozos e mozas < 25 anos	7.998	-441	-5,2	-482	-5,7
Por sectores*
* agricultura	6.384	-316	-4,7	434	7,3
* industria	19.975	-63	-0,3	930	4,9
* construción	13.345	-465	-3,4	-1.098	-7,6
* servizos	127.405	-3.580	-2,7	5.799	4,8
* sen emprego anterior	13.610	-85	-0,6	173	1,3
Persoas beneficiarias prestación por desemprego (febreiro)	119.211
Taxa de cobertura prestación por desemprego (febreiro)	69,50
Por provincias
A Coruña	72.176	-2.403,0	-3,2	2.771,0	4,0
Lugo	18.088	-545,0	-2,9	1.035,0	6,1
Ourense	20.265	-231,0	-1,1	943,0	4,9
Pontevedra	70.190	-1.330,0	-1,9	1.489,0	2,2
CONTRATACIÓN
Nº contratos	62.004	12.830	26,1	6.087	10,9
* indefinidos (inclúe transformación de contratos en indefinidos)	9.221	3.588	63,7	2.830	44,3
* temporais	52.783	9.242	21,2	3.257	6,6
AFILIACÍON Á SEGURIDADE SOCIAL
Nº persoas afiliadas/cotizantes (datos provisionais)	998.733,39	4.704	0,5	-3.890	-0,4
Fonte: Gabinete Económico Comisión Executiva UGT Galicia, a partir dos datos do Ministerio de Trabajo y Economía Social e do Ministerio de Inclusión, Seguridad Social y Migraciones