A baixa taxa de actividade e a forte contracción no Sector Industrial, sinalan a estrutural debilidade do tecido industrial galego

UGT-Galicia reitera que a nosa Comunidade adoece dun mercado laboral cunha clara tendencia á inactividade, ao desánimo e as poucas oportunidades

Aínda que polo contexto de remisión da pandemia hai unha mellora nas cifras da EPA con respecto ao mesmo trimestre do ano anterior e ao anterior trimestre deste ano 2021 hai en Galicia 58.100 fogares con polo menos unha persoa activa e nos que todas as persoas activas son paradas e 35.300 fogares sen persoas perceptoras de ingresos. E Galicia hai 152.400 persoas en desemprego e, destas, 63.700 persoas son desempregadas de longa duración, é dicir, que levan máis dun ano no desemprego.

Cos resultados da EPA do segundo trimestre reflíctense claramente a remisión dos efectos da pandemia, no que se refire aos seus efectos no mercado laboral, pero Galicia segue presentando peculiaridades dun mercado laboral pouco dinámico. Cunha taxa de actividade de tan só o 52.5 por cento comparada co 58,6 do Estado. Seguimos cun mercado laboral cunha clara tendencia á inactividade, ao desánimo, as poucas oportunidades.

No segundo trimestre hai un aumento da ocupación en 16.900 empregados e unha caída do paro en 5.900 persoas. Na nosa Comunidade hai 26.300 ocupados máis que no segundo trimestre  de 2020 e 9.900 desempregados menos (é o trimestre do confinamento)

É en termos interanuais onde se amosaban os preocupantes efectos da pandemia, xa que hai un aumento da actividade, da ocupación, do paro e unha caída da inactividade.

Pola súa banda, o paro cae no ano en 5.900 persoas (o 3.7 por cento menos) e aumenta o paro con respecto ao mesmo trimestre do ano anterior en 9.900 (6.9 por cento máis) debido a que nese trimestre moitísimas persoas non puideron cumprir coas condicións de búsqueda de traballo que a definición de paro da EPA determina para que sexan consideradas paradas.

O número de ocupados no Estado aumenta en 464.900 persoas no segundo trimestre de 2021 respecto ao trimestre anterior (un 2,42 por cento) e sitúase en 19.671.700. En Galicia aumenta en 16.900 a ocupación con respecto ao trimestre anterior (1.6 por cento) e con respecto ao mesmo trimestre do ano anterior en 26.300 persoas, o 2.5 por cento, situándose os ocupados en Galicia en 1.076.700.

A taxa de paro no Estado foi do 15,26 por cento, 3.543.800 parados. En Galicia hai 152.400 parados, cunha taxa do 12,4 por cento.

A menor taxa de paro en Galicia indica menor presión de demanda de emprego, polo desánimo, polas poucas expectativas, polo pouco dinamismo.

A causa da maior taxa de paro no Estado explícase pola maior tendencia á actividade. As cifras no Estado reflicten máis o paro.

O mercado laboral galego ten unha maior tendencia á inactividade, menor dinamismo, maior reflexo da falta de expectativas.

A taxa de paro en Galicia, o que ven indicar ao ser menor que no Estado, é que moitos parados considéranse xa inactivos, fora do mercado laboral..

Hai unha mellora do emprego con respecto ao trimestre anterior do 1.6 por cento (16.900 persoas) Tan só se contrae levemente no Sector Primario. Con respecto ao mesmo trimestre do ano anterior  hai unha forte contracción no Sector Industrial, un dato moi preocupante, xa que prodúcese unha caída de 14.700 persoas ocupadas na Industria en Galicia, o 8 por cento, que amosa a estrutural debilidade do tecido industrial galego. Pola contra, a Industria no ten un reponte de ocupación en termos interanuais: en España medra o 0.8 por cento.

Temos en Galicia 867.000 persoas asalariadas, aumentando con respecto ao trimestre anterior e con respecto ao mesmo concepto do ano anterior . Sen embargo, a taxa de temporalidade segue manténdose en case a cuarta parte da poboación asalariada, o 24.2 por cento.

Fonte: Elaboración propia UGT Galicia a partir dos datos da EPA do IGE

Asalariados por tipo de contrato