Omitir los comandos de cinta
Saltar al contenido principal
Inicio
AL DÍA >
NOTICIAS
Primeiro de Maio 2019, “Primeiro as Persoas”

Primeiro de Maio 2019, “Primeiro as Persoas”

UGT-Galicia | martes, 16 de abril de 2019

As organizacións sindicais UGT e CCOO chamarán á mobilización dos traballadores e traballadoras o próximo Primeiro de Maio, para esixir un cambio de políticas que teña en conta á maioría social do país, así como a conformación dun goberno de progreso que acometa con urxencia unha axenda social.“Primeiro as Persoas” será o lema da mobilización deste ano que, segundo o manifesto conxunto de ambas as organizacións, expresan o seu “rotundo rexeitamento a todas as posicións excluíntes, populistas e retrógradas que ameazan os dereitos laborais e sociais básicos, e que combateremos con todos os instrumentos ao noso alcance, nas institucións, co diálogo, e nas rúas, coa mobilización”.10 PropostasO manifesto lembra que “o crecemento económico ten bases moi débiles e o novo emprego é maioritariamente precario”, e que “non deixan de xurdir intentos de fuxir da regulación laboral para abaratar e precarizas o emprego nacente (falsos autónomos, falsos bolseiros, empresas multiservizos, etc.). Nin sequera a legalidade actual en materia de contratación aplícase”, polo que esixen derrogar as reformas laborais, perseguir a fraude, e adoptar medidas destinadas a xerar empregos estables e ben remunerados.Ambos os sindicatos lembran que expuxeron un decálogo de propostas aos partidos políticos que concorren ás eleccións xerais (que se celebrarán tres días antes do Primeiro de Maio), entre as que se atopan, entre outras: a aposta por un modelo económico distinto, con maior base industrial, asentado na innovación, a formación e cualificación eficaz, unha política enerxética máis eficiente, e a mobilización das zonas rurais para avanzar en cohesión social e territorial; reforzar o Estado de benestar; actuar contra a discriminación por razón de xénero e garantir a igualdade entre mulleres e homes.UGT e CCOO reclaman á clase política que non esquezan que os dereitos sociais que recolle a Constitución non deben ser papel mollado, e que é necesario construír unha sociedade máis democrática e igualitaria.

Noticias Relacionadas
VolverVolver
AFILIADOS y AFILIADAS ACCEDER
BUSCAR
REDES SOCIALES
Logo

Unión Xeral de Traballadores. Miguel Ferro Caaveiro12; 15707 SANTIAGO. Telf.: 981. 577. 171 Fax: 981. 599. 438   |   UGT é membro da CES e da CSI

[Aviso Legal] [Versión Móvil].